पूर्वराजालाई भब्य स्वागत: यस्तो छ साताब्यापी कार्यक्रम
भैरहवा । पूर्वराजा ज्ञानेन्द्र शाह साताव्यापी धार्मिक कार्यक्रममा भाग लिन भैरहवा पुगेका छन् ।
देशदर्शनको कार्यक्रमलाई निरन्तरता दिँदै उनी आइतबार रुपन्देहीको भैरहवा पुगेका हुन् ।
पूर्वराजा शाहलाई भैरहवा विमानस्थलमा सयौँ स्थानीय तथा शुभेच्छुकहरुले स्वागत गरेका थिए ।
एक साता लामो यसपटकको पश्चिम यात्रामा रुपन्देहीको पर्रोहा धाम, मर्चवारीमाई, पाल्पाको पाल्पा भगवती, कपिलबस्तुको गोरुसिंगेमा रहेको मन्दिर तथा नवलपरासीको पाल्हीनन्दन मन्दिरमा पुजाआजा गर्ने कार्यक्रम रहेको छ ।
साथै सो क्षेत्रका जनतासँग भेटघाटसँगै विभिन्न देवीदेवता तथा मन्दिर दर्शनको कार्यक्रम रहेको बताइएको छ । फाइल तस्बिर