अनिश्चितकालिन बजार बन्दको आह्वान
सुखड,कैलाली । घोडाघोडी नगरपालिकामा अनिश्चितकालका लागि बजार बन्दको आह्वान गरिएको छ । कोरोना संक्रमणको जोखिमलाई मध्यनजर गर्दै घोडाघोडी उद्योग वाणिज्य संघद्बारा सोमबार एक सूचना जारी गर्दै अत्यावश्यक बाहेकका सबै व्यवसाय बन्द गर्न आह्वान गरेको छ ।
संघका महासचिव धिरेन्द्र कठायतद्धारा हस्ताक्षरित सूचनामा अर्को सुचना नआउदा सम्मको लागि आजबाट बजार व्यवसाय बन्द गरी आम नागरिकको स्वास्थ्य प्रती गम्भीर भएर कोरोना विरुद्धको लडाईमा सहयोग गर्न अपिल गरिएको छ ।
साथै सुचनामा घोडाघोडी नगरपालिका भित्रका व्यापारीहरुले आफ्नो पसल र गोदामहरुमा स्टक नराखी अति आवश्यक बस्तु र खाद्यान्न उपलब्ध गराउनको लागि माग गर्दै कोहि व्यापारीहरुले कालोबजारी गरेको पाइएमा कडा कारबाही गरिने उल्लेख गरिएको छ ।
