अहिलेको सरकारले गणतन्त्रलाई बयलगाडा बनायो

काठमाडौं । नेपाली कांग्रेसका सांसद मानबहादुर विश्वकर्माले अहिलेको सरकारमा गणतन्त्र भनेको बयलगाडी चढेर अमेरिका भ्रमण गर्नुजस्तै हो भन्ने व्यक्तिहरु रहेको आरोप लगाएका छन् ।

सरकारको नीति तथा कार्यक्रमबारे सोमबार बोल्दै उनले मेरो सरकार पटक पटक आएको चर्चा गर्दै राजा बीरेन्द्र र ज्ञानेन्द्रले यस्तो शब्दहरु प्रयोग गरेको जनाए । तर,  अहिले भने यो सरकार मेरो सरकारमा परिणत गर्ने प्रगति भएको उनको भनाइ छ । उनले सरकारले गणतन्त्रलाई बयलगाडा बनाउन सक्ने आरोप समेत लगाए ।

गणतन्त्र सबैको सम्पति भएकोले कसैले खेलवाड गर्न नपाउने समेत चेतावनी उनले दिए । राजाको खोल ओढ्ने र ओढाउने काम नगर्न समेत उनले आग्रह गरे । उनले तानाशाह बन्ने प्रयास नगर्न पनि आग्रह गरेका छन् ।