२०७५ चैत्र ७, बिहिबार

रामबहादुर बम्जनबिरुद्ध भारतमा उजुरी

March 13, 2019
31 Views
Spread the love
  • 52
    Shares

नयाँ दिल्ली। तपस्वीका रुपमा चिनिएका रामबहादुर बम्जनका बारेमा नेपाल प्रहरीमा परेको उजुरीबारे नेपाल प्रहरीले छानविन टुंगो लगाउन नसकेकै बेला भारतमा एक विदेशी महिलाले उजुरी दायर गरेकी छन् । नेपालमा रहँदा बम्जनको आश्रममा आफूमाथि शारीरिक तथा मानसिक यातना दिइएको भन्दै ती विदेशी महिलाले दिल्ली महिला आयोगमा उजुरी दिएकी हुन् ।

चेक रिपलिब्लककी ५० वर्षीया महिलाले दिल्ली महिला आयोगमा दिएको उजुरी अनुसार बम्जनको शिविरमा शारीरिक र मानसिक यातना पाएपछि उनी केही पर्यटकको मद्दतमा भागेर अवैध रुपमा भारत पुगेकी हुन् । उनले भारतबाट ‘एक्जिट भिसा’ दिलाउन दिल्ली महिला आयोगसमक्ष गुहार मागेपछि उनको निवेदनअनुसार दिल्ली महिला आयोगले भिसा उपलब्ध गराएर हालै स्वदेश फर्काएको बताइएको छ ।

आयोगकी प्रमुख स्वाति मालिवालका अनुसार ती महिलाले नेपालमै आफ्ना कागजात र पासपोर्ट गुमाएकी थिइन् । दिल्लीस्थित चेक रिपब्लिक दुतावासमा दिल्ली महिला आयोगले उनका लागि आपतकालिन राहदानीका लागि सम्पर्क गरेको थियो ।

भारतको अखबार नवभारत टाइम्समा प्रकाशित समाचार अनुसार सन् २०१२ मा ती महिलाले चेक रिपब्लिकमा आफ्नो छोराको असामयिक निधनपछि नेपालको उक्त आश्रममा आश्रय लिएकी थिइन् । बोधि श्रवण धर्म संघका नाममा रहेको आश्रमका तपस्वी रामबहादुर बम्जनले ती महिलालाई ‘बोक्सी’ घोषणा गरेको उक्त अखबारमा उल्लेख छ ।

आश्रममा उनलाई बाँधेर राखिएको र शारीरिक तथा मानसिक यातना दिइएको बताइएको छ । यहाँसम्म कि, उनको हातसमेत भाँचिएको थियो । प्रहरीसमेत बम्जनसँग मिलेका कारण उजुरी गर्न नसकेको ती महिलालाई उद्धृत गर्दै समाचारमा उल्लेख छ ।

केही पर्यटकले उनलाई उद्धारको प्रयास गरेका थिए । आश्रममै फसेका अन्य महिलालाई उद्धार गर्ने उद्देश्यसहित उनी ४ महिनापछि फेरि त्यही आश्रममा पुगेको बताइएको छ । ४ वर्षसम्म विभिन्न निकायमा पहल गर्दा पनि बम्जनमाथि कारवाही हुन नसकेको भन्दै उनी भागेर दिल्ली पुगेको समाचारमा उल्लेख छ ।

सन् २०१८ को डिसेम्बरमा केही जर्मन पर्यटकको मद्दतमा उनी दिल्ली पुगेको बताइएको छ ।

समाचारमा ती महिलाको परिचय र नेपालमा उनी बसेको आश्रमको ठेगाना भने खुलाइएको छैन । दिल्ली महिला आयोगकी अध्यक्ष स्वातिले उनको उजुरीमाथि कारवाहीका लागि नेपाली अधिकारीहरुलाई आग्रह गरिने बताएकी छन् ।

Facebook Comments
  • 52
    Shares

You may be interested

रवि लामिछाने समस्यामा : कस्तो कारवाही हुनसक्छ उनलाई ?
समाचार
0 shares36 views
समाचार
0 shares36 views

रवि लामिछाने समस्यामा : कस्तो कारवाही हुनसक्छ उनलाई ?

himal post - २०७५, ७ चैत्र २२:५०

काठमाडौं – चर्चा र विवादितमा रहने टेलिभिजन कार्यक्रम प्रस्तोता रवि लामिछानेविरुद्ध ठगी मुद्दा दर्ता गर्ने तयारी भएसँगै उनलाई अर्को आपत…

प्रधानमन्त्री सवार जहाज काण्ड: क्यानलाई विभागीय कारबाही
राजनीति
0 shares6 views
राजनीति
0 shares6 views

प्रधानमन्त्री सवार जहाज काण्ड: क्यानलाई विभागीय कारबाही

himal post - २०७५, ७ चैत्र २२:३१

काठमाडौं । प्रधानमन्त्री केपी शर्मा ओली सवार जहाज आकासमा फन्को लगाउनु (होल्ड) भएको सम्बन्धमा छानबिन गर्न गठित समितिले नियामक निकाय…

भाजपाका उम्मेद्वारको सूची सार्वजनिक, को कहाँबाट लड्दैछन् ?
अन्तराष्ट्रिय
0 shares12 views
अन्तराष्ट्रिय
0 shares12 views

भाजपाका उम्मेद्वारको सूची सार्वजनिक, को कहाँबाट लड्दैछन् ?

himal post - २०७५, ७ चैत्र २१:५८

नयाँ दिल्ली । भारतीय जनता पार्टीले लोकसभा निर्वाचनका लागि आफ्ना उम्मेदवारको पहिलो सूची जारी गरेको छ । बिहीबार अबेरराति भारतीय…