२०७६ असार ३, मङ्लबार

सांसद बन्नका लागि वामदेव मरिहत्ते गर्नुको कारण यस्तो रहेछ !

October 11, 2018
510 Views

काठमाडौं। नेपाल कम्युनिस्ट पार्टी (नेकपा)का नेता वामदेव गौतमले बहालवाला सांसदलाई राजीनामा गर्न लगाएर उपनिर्वाचन गराउने तानाबुना बनाएपछि पार्टीपंक्तिमा विवाद बढ्दो छ ।

पार्टीका केही प्रभावशाली नेताहरुले गौतमका लागि पार्टीले अनावश्यक रुपमा उपनिर्वाचन गराउन नहुने तर्क राख्दै आएका छन् । कार्यकर्ताहरु पनि वामदेवको उक्त प्रयासप्रति सकारात्मक देखिएका छैनन् । पार्टीले उपनिर्वाचनका बारेमा आधिकारिक निर्णय गरिसकेको छैन ।

गौतमले प्रतिनिधिसभा सदस्य हुनका लागि गरेको तिकडमबाजीलाई धेरैले सत्ता स्वार्थसँग जोडेर व्याख्या गर्न थालेका छन् । नेकपाका अध्यक्ष पुष्पकमल दाहालको समर्थनमा आफू प्रधानमन्त्री बन्ने र दाहाललाई पार्टीको अध्यक्षमा गौतमले समर्थन गर्नेगरी पार्टीभित्र नयाँ समीकरण विकसित हुने आँकलन गर्नेहरु पनि प्रशस्त छन् ।

यसबीचमा गौतमले भने सांसद बन्नका लागि मरिहत्ते गर्नुको कारण खुलाएका छन् । उनले बीबीसी रेडियोको नेपाली सेवासँग कुरा गर्दै आफू सत्ता स्वार्थका लागि नभई देश विकासका लागि प्रतिनिधिसभामा जान चाहेको प्रष्ट पारेका छन् ।

उनले अधिकारसम्पन्न विकास प्राधिकरण गठन गरी त्यसको नेतृत्व आफूले लिने उद्देश्यले सांसद बन्न चाहेको बताए । समृद्धिको लक्ष्य लिएको सरकारलाई सफल बनाउन आफूले विकास प्राधिकरणको परिकल्पना गरेको गौतमको भनाइ छ । ‘मेरो माग प्रतिनिधिसभामा गएपछि विकास प्राधिकरणको जिम्मेवारी दिनुस्, मैले स्रोतसमेत जुटाउँछु र निर्वाचन घोषणापत्रमा भएका सबै काम गरेर देखाउँछु भन्ने छ,’ उनले भने ।

उल्लेखनीय छ, गौतमका लागि काठमाडौं क्षेत्र नम्बर ७ का सांसद रामवीर मानन्धरले राजीनामा दिन तयार रहेको बताइसकेका छन् । उनको राजीनामाको आशयपत्र पार्टी सचिवालयमा पेश भइसकेको छ । तर पार्टीले यस विषयमा निर्णय लिइसकेको छैन ।

सोही विषयमा छलफल गर्ने गरी बुधबारका लागि डाकिएको सचिवालय बैठक अचानक स्थगित गरी आगामी शनिबारसम्मका लागि सारिएको छ ।

Facebook Comments

सम्बन्धित खवर

संचारकर्मी प्रकाश मिश्रको ‘साली भनौला’ सार्वजनिक (भिडियो सहित)
मनोरञ्जन
shares3 views
मनोरञ्जन
shares3 views

संचारकर्मी प्रकाश मिश्रको ‘साली भनौला’ सार्वजनिक (भिडियो सहित)

himal post - २०७६, ३ असार १८:४५

विशाल पाण्डेय / कैलाली । नेपाली गीत सङ्गीतमा पछिल्लो समय निकै नै चर्चामा आएका गायक तथा मोडल हुन् हेमराज थापा…

पत्रकारले भाषा बिगारे – प्र.म. ओली
राजनीति
shares5 views
राजनीति
shares5 views

पत्रकारले भाषा बिगारे – प्र.म. ओली

Himalpost Desk - २०७६, ३ असार १८:२७

काठमाडौँ – मङ्गलबार प्रधानमन्त्री कार्यालय सिंहदरबारमा आयोजना गरेको पत्रकार सम्मेलनमा प्रधानमन्त्री केपी शर्मा ओलीले पत्रकारहरूले नै भाषा बिगारेको आरोप लगाएका…

फिर्ता भयो गुठी विधेयक
राजनीति
shares6 views
राजनीति
shares6 views

फिर्ता भयो गुठी विधेयक

Himalpost Desk - २०७६, ३ असार १७:००

काठमाडौँ -  व्यापक विरोधपछि सरकारले गुठी विधेयक फिर्ता लिएको छ। ‘गुठीसम्बन्धी कानुनलाई एकीकरण र संशोधन गर्न बनेको विधेयक, २०७५’ बैसाख १७…