७५ गन्दा स्थापितलाई जम्मा १३ भोट, अगाडी लम्किए बालेन
काठमाडौं- काठमाडौं महानगरपालिकाको मतगणना भैरहेको छ । वडा नम्बर १ र ३२ बाट सुरु गरिएको मतगणनामा स्वतन्त्र उम्मेदवार बालेन शाहले राम्रो अग्रता लिएका छन् ।
मतगणनाको पछिल्लो अपडेट अनुसार वडा नम्बर १ का ५० भोट गन्दा बालेन र कांग्रेसकी उम्मेवार सिर्जना सिंहले ११-११ भोट ल्याएकी छन् । एमालेका केशव स्थापितको ९ भोट छ ।
यस्तै वडा नम्बर ३२ मा २५ भोट गणना हुँदा बालेनको ११, सिर्जनाका ७ र स्थापितको ४ भोट आएको छ । यहाँ राप्रपालाई ३ भोट प्राप्त भएको छ ।
कुल मिलाएर अहिलेसम्म ७५ भोटको गणना सकिएकोमा बालेनले सर्वाधिक २२ मत ल्याएका छन् । दोस्रोमा सिर्जनाले १८ र स्थापितले १३ भोट ल्याएका छन् ।
२०७४ मा यी दुवै वडा एमालेले जितेका थिए । सुरुवाती परिणामअनुसार एमालेका स्थापित दुवै वडामा तेस्रोमा छन् ।