नेकपालाई ४ मतले पराजित गर्दै बैतडीमा काङ्ग्रेस विजयी
बैतडी – नेपाली कांग्रेसले बैतडीबाट जितको खाता खोलेको छ ।बैतडीको सुर्नया गाउँपालिका वडा नम्बर १ मा नेपाली कांग्रेसका उम्मेदवार गजेन्द्रबहादुर चन्द विजयी भएका छन् ।
मतदानमा खसेको जम्मा ४ सय ३८ मतमध्ये २ सय १९ मत प्राप्त गर्दै उनि विजयी भएका हुन् ।
उनका प्रतिद्वन्द्वी नेकपाका धन बहादुर चन्दले २ सय १५ मत प्राप्त गर्नुभएको छ भने ४ मत बदर भएको बताइएको छ । यस वडामा यसअघि पनि नेपाली कांग्रेसले नै जितेको थियो ।
यस्तै जिल्लाको दोगडाकेदार गाउँपालिका ४ मा भने राति साढे १० बज देखि मतगणना हुने बताइएका ेछ । जिल्लाको पुर्चौडी नगरपालिका ४ मा पनि मतगणनाको तयारी भइरहेको बताइएको छ ।