‘बादल’ले दिए एमालेजनलाई धन्यवाद
काठमाडौं- नेकपा एमालेका नवनिर्वाचित उपाध्यक्ष रामबहादुर थापा बादलले एमालेजनलाई धन्यवाद दिएका छन् । एमालेको १० औँ महाधिवेशनमा राम्रो मतका साथ्उपाध्यक्षमा निर्वाचित भएपछि उनले धन्यवाद दिएका हुन्।
तीनदिनदेखि चितवनको सौराहामा भएको महाधिवेशन आज सम्पन्न भएको छ । उपाध्यक्ष थापाले सपथ पनि खाइसकेका छन् । महाधिवेशन सम्पन्न भएलगत्तै बादलले महाधिवेशन प्रतिनिधी कमरेडहरु, शुभेच्छुक तथा सम्पुर्ण पार्टी पंक्तिलाइ धन्यवाद दिएका छन्।
सामाजिक सञ्जाल मार्फत बादलले भनेका छन्, ‘नेकपा (एमाले)को १०औँ राष्ट्रिय महाधिवेशनबाट मलाई केन्द्रीय उपाध्यक्षमा विजयी बनाउनु भएकोमा सम्पुर्ण महाधिवेशन प्रतिनिधी कमरेडहरु, शुभेच्छुक तथा सम्पुर्ण पार्टी पंक्तिमा हार्दिक धन्यवाद व्यक्त गर्दछु ।’
माओवादी जनयुद्ध सफल पार्ने कमान्डरको रूपमा चिनिएका बादल एमालेलाई कसरी हाक्नेहुन् त्यो भने हेर्न बाँकी छ ।