बाबुराम भट्टराई बने शक्तिशाली,साथै सत्तापक्ष !
काठमाडौं – संघीय समाजवादी फोरम पार्टी नेपालले तत्कालै सरकार नछाड्ने भएको छ । नयाँ शक्ति पार्टी, नेपालसँग भोली(सोमबार) पार्टी एकता घोषणा हुँदैछ । तर, फोरम अध्यक्ष उपेन्द्र यादवले तत्काल सरकारबाट बाहिरिने मनस्थिति बनाएका छैनन् ।
सरकारले आफूहरुसँगको दुई बुँदे माग पूरा नगरेकाले तत्काल सरकारबाट नबाहिरिने फोरमका एक जना नेताले बताए । बाबुराम भट्टराई नेतृत्वकाे नयाँ शक्ति र उपेन्द्र यादव नेतृत्वकाे संघीय समाजवादी पार्टीबीच लामो समयको कसरतपछि एकीकरण गर्ने सहमती भएकेा थियाे ।
फोरमका एक नेताले भने, ‘बाबुरामजीसँग तत्काल सरकारबाट बाहिरिने सहमति भएको छैन् । सरकारमै बसेर हाम्रा माग पूरा गर्नेछौं । ’
भोली हुने एकतामा उपेन्द्रले मन्त्रीको हैसियतले सरकारलाई चेतावनी दिने बताइएको छ । साथै फोरमसँग एकीकरण गर्न लागेका बाबुराम पनि स्वतः सत्तापक्ष बन्नेछन् । भोलि समाजवादी पार्टीको २५ सदस्यीय पदाधिकारीको घोषणा हुनेछ ।
फोरमबाट १६ जना पदाधिकारी रहनेछ जसमा हाल एउटा पद खाली रहेको छ । यसैगरी नयाँ शक्तिबाट ९ जना पदाधिकारी रहनेछन् ।
वरीयता क्रममा डा. भट्टराई पहिलो रहने छन् भने यादव दोस्रो । पार्टीको अध्यक्षको रुपमा यादव रहने छन् भने संघीय परिषद्को अध्यक्ष भट्टराई रहनेछन् । संघीय परिषद् केन्द्रीय समितिभन्दा पनि शक्तिशाली हुनेछ ।