अर्को विधेयक ल्याउने तयारीमा सरकार, मन्त्रिपरिषद् विस्तार भोलि - Himal Post Himal Post
  • २९ पुष २०८१, सोमबार
  •      Mon Jan 13 2025
Logo

अर्को विधेयक ल्याउने तयारीमा सरकार, मन्त्रिपरिषद् विस्तार भोलि



काठमाडौं । सरकारले राजनीतिक दल विभाजन गर्न ल्याएको अध्यादेशलाई प्रतिस्थापन गर्न अर्को विधेयक ल्याउने भएको छ ।

२० प्रतिशतले दल विभाजन गर्न पाउने अध्यादेश कायमै राख्दा सत्तारुढ दलहरु नै फुट्ने देखिएपछि प्रतिस्थापन विधेयक ल्याउन लागिएको हो । माओवादी केन्द्रको स्थायी कमिटी बैठकमा अध्यक्ष प्रचण्डले शीर्ष नेताको बैठकपछि त्यसको टुंगो लाग्ने जानकारी दिएका हुन् ।

बैठकपछि पत्रकारसँग कुरा गर्दै माओवादी प्रवक्ता कृष्णबहादुर महराले हाल संसदमा रहेको अध्यादेशलाई प्रतिस्थापन गर्न अर्को विधेयक ल्याइने बताए । उनले बिहिबार मन्त्रिपरिषद् विस्तार गर्ने पनि बताए ।

‘अहिले ५ दलको बैठकमा छलफल हुँदैछ । भोलिसम्म मन्त्रिपरिषद् विस्तार भइसक्छ, मन्त्री छान्ने जिम्मेवारी अध्यक्षलाई दिइएको छ’, महराले भने ।

दल विभाजन सम्बन्धी अध्यादेश प्रतिस्थापनपछि दुई दिनभित्र मन्त्रिपरिषद् विस्तार हुने महराले बताए । बैठकले डोरप्रसाद पौडेललाई केन्द्रीय कार्यालय सचिवमा राख्ने निर्णय गरेको छ ।