सुपादेउराली नजिकै जिप दुर्घटना : ३ को मृत्यु, ५ घाइते

अर्घाखाँचीको सुपादेउराली नजिकै जिप दुर्घटना भएको छ । कृष्णनगरबाट सन्धिखर्क आउँदै गरेको जिप दुर्घटना भएको हो ।

लु १ ज १३२९ नम्बरको जिप सुपादेउराली नजिकै पल्टिएपछि ३ जनाको घटनास्थल मै मृत्यु भएको छ।

सो जिपमा करिब ११ जना सवार रहेको बुझिएको छ । दुर्घटनामा थप ५ जना गम्भीर घाइते भएका छन्। उनीहरूलाई उपचारका लागि बुटवल पठाइएको प्रहरीले जनाएको छ। जिप कृष्णनगर यातायातको रहेको बुझिएको छ । फाइल तस्बिर