अपराधिक समुह र प्रहरीबीच भिडन्त
काठमाण्डौ । रौतहटको राजदेवी नगरपालिकास्थित सीमा क्षेत्रमा अपराधिक समुह र प्रहरीबीच भिडन्त हुँदा एक जनाको मृत्यु भएको छ ।
हतियारसहित आपराधिक समूह नेपाल प्रवेश गरेको सूचना पछि पक्राउ गर्न गएका सुरक्षाकर्मी माथि गोली प्रहार गरेपछि विहिबार राति भिडन्त भएको थियो ।
रौतहटको राजदेवी नगरपालिकामा बिहीबार राति भिडन्तमा मारिएका आपराधिक समूहका एक सदस्य भएको दाबी गरिएको छ । मृतकको सनाखत भने हुन सकेको छैन ।
घटनास्थलबाट प्रहरीले अत्याधुनिक हतियार एसएमजी र गोली बरामद गरेको छ ।
राजदेवी नगरपालिकास्थित मुडवल्वा टोलको बाग्मती नदी तटबन्धमा हतियाधारी समूह पक्राउ गर्न केन्द्रिय अनुसन्धान ब्यूरो, जिल्ला प्रहरी र इलाका प्रहरी खटिएको थियो ।
अनटेस्ट मोटरसाइकलमा आएका समूहलाई रोक्ने प्रयास गर्दा गोली प्रहार गरेपछि दोहोरो भिडन्त भएको हो ।
भिडन्तमा एकजनाको खुट्टा र पिठ्यूमा गोली लागेको थियो । २ जना भारततर्फ भागेको प्रहरीले उल्लेख गरेको छ ।
गोली लागेर घाइतेको उपचारका लागि जिल्ला अस्पताल गौर ल्याइदै गर्दा बाटोमै मृत्यु भएको हो ।