अमेरिकी नागरिकहरूमा पनि भटाभट भेटिन थाल्यो कोरोना
काठमाडौं- जापानको क्वारन्टीनमा राखिएका ४० अमेरिकी नागरिकमा नयाँ कोरोनाभाइरस भेटिएको छ ।
डाइमण्ड प्रिन्सेस क्रुज पानी जहाजबाट उद्धार गरिएका ४० जना अमेरिकी नागरिकमा नयाँ कोरोनाभाइरस भेटिएको बीबीसीले जनाएको छ ।
चार सय अमेरिकी नागरिकलाई उद्धार गरिएका मध्ये ४० जनामा नयाँ कोरोनाभाइरस भेटिएको हो ।
दुई अमेरिकी हवाइहजाजबाट अमेरिकीहरुलाई स्वदेश फर्काइएको छ । तर, संक्रमितहरुलाई भने जापानकै अस्पतालहरुमा भर्ना गरिएको छ ।
अमेरिकी नागरिकहरुलाई ३ फेब्रुअरीदेखि जापानको योकाहामा बन्दरगाहमा क्वारन्टीनमा राखिएको थियो ।
चीन बाहिर नयाँ कोरोनाभाइरसबाट संक्रमण देखिएको यो सवैभन्दा ठूलो समुह हो ।