अमेरिकाले किन गर्दैछ मृत शरीर राख्ने लाखौँ झोलाको तयारी ?
एजेन्सी- अमेरिकी संघीय आपतकालीन व्यवस्थापन एजेन्सीले सरकारसँग एक लाख शव राख्ने झोला माग गरेको छ ।
उक्त माग पूरा गर्नका लागि अमेरिकी रक्षामन्त्रालयले काम गरिरहेको बताइएको छ ।
रक्षा मन्त्रायका प्रवक्ता लेफिटेन्ट कर्नेल माइक एन्ड्रियुले मन्त्रालय र डिफेन्स लजिस्टिक एजेन्सीले शव राख्ने झोला राख्ने व्यवस्था मिलाइरहेको बताए ।
उनले एक विज्ञप्ति जारी गर्दै भनेका छन्, “रक्षा मन्त्रालय र डिफेन्स लजिस्टिक एजेन्सीले संघीय आपतकालीन व्यवस्थापन एजेन्सीले राखेको माग पूरा गर्नका लागि लामो समयदेखि व्यवस्थापन गरिरहेको छ ।
संकटको समाधानमा लागि डिफेन्स लजस्टिक एजेन्सी (डीएलए) को औधोगिक साझेदारसँग उक्त झोलाहरु खरिद प्रक्रिया अघि बढेको छ ।”
फेमाको एक लाख शव राख्ने झोलाको विवेकपूर्ण योजनाको प्रयासलाई सकारको स्वास्थ्य एजेन्सीकातर्फबाट सक्दो चाँडो सम्बोधन गर्ने प्रयास गरिएको मन्त्रालयले जनाएको छ ।
अमेरिकामा हालसम्म दई लाख बढी संक्रमित छन् भने पाँच हजारभन्दा बढीको मृत्यु भइसकेको छ ।