स्नेहा र अनुस्का निर्देशित पहिलो भिडियोको चर्चा

युट्युबमा भर्खरै रिलिज भएको एउटा गीत छ आज भोलि उनको याद आइराछ, कार बिग्रिएर बुलेटवाली मेकानिकबाट सुरु भएको यो भिडियोको कहानी एउटा छोटो चलचित्र भन्दा कम छैन ।

स्नेहा पौडेल र अनुस्का अधिकारी निर्देशनका विद्यार्थी हुन् । उनीहरू अहिले अस्कर कलेजमा फिल्म मेकिंग पढिरहेका छन् । यो भन्दा पहिले नेपालकै पहिलो वेब सिरिज हाम्रो हाइस्कुलमा अभिनय गरेका थिए । त्यहाँ पनि उनीहरूले राम्रो प्रतिक्रिया बटुलेका थिए ।

उक्त गीतको भिडियोमा अभिनय स्नेहा पौडेल, अनुस्का अधिकारी शशांक बोहरा र दीपिका राई अभिनय गरेका छन् । उनीहरू सबैको अभिनय पनि तारिफयोग्य छ ।

यति बेला उनीहरूले बनाएको पहिलो म्युजिक भिडियोको चर्चा छ निर्देशन, अभिनय र प्रस्तुति सबैमा अब्बल भिडियो बनेको जानकारहरू बताउँछन । शान्तिम कोइरालाको आवाजमा रहेको यो गीतमा बिरक कडरियाले शब्द लेखेका छन् । भिडियोको छायाङ्कन सेसन श्रेष्ठ, प्रशान्त योगी र युशव गौतमले गरेका छन् ।