नेपालमा कोरोना संक्रमित सात जना पुगे
काठमाडौं- कास्कीका एक व्यक्तिमा कोरानाको संक्रमण भएको पुष्टि भएको छ । यस सँगै नेपालमा कोरोना सङ्क्रमित सात जना पुगेका छन् ।
पोखरा स्वास्थ्य विज्ञान प्रतिष्ठानले गरेको परीक्षणमा कोरोनाको संक्रमण पोजेटिभ देखिएको गण्डकी प्रदेश सरकारले जनाएको छ ।
बिहिबार मात्र बाग्लुङ जिल्लामा छैठौँ संक्रमित भेटिएकी थिइन् ।
कोरोनाको छैटौं संक्रमित फेला परेको भोलिपल्टै भारतबाट फर्किएका कास्कीका एक व्यक्तिमा कोरानाको संक्रमण देखिएको हो ।
ती व्यक्तिको नमूना संकलन गरेर पुनःपरीक्षणका लागि पठाइएको प्रदेश सरकारले जनाएको छ ।