इरानका उपराष्ट्रपतिलाई पनि कोरोना सङ्क्रमण
इरानका उपराष्ट्रपति इशाक जहानगिरी कोरोना संक्रमण पोजेटिभ देखिएको छ ।
इरानको न्युज एजेन्सी फार्स न्युज एजेन्सीका अनुसार उपराष्ट्रपति जहानगिरीलाई कोरोना संक्रमणको पुष्टि भएको छ ।
इरानमा दर्जनभन्दा बढी सांसद, डेपुटी स्वास्थ्य मन्त्रीसहित अन्य उच्च अधिकारीमा समेत कोरोना संक्रमणको पुष्टि भइसकेको छ ।
साथै इरानका संस्कृति मन्त्री अलि अस्घर मोउनेसान, राष्ट्रिय ओलम्पिक कमिटिका अध्यक्ष रेजा सालेही अमिरीसमेत कोरोनाको संक्रमणमा परेका छन् ।
इरानको स्वास्थ्य मन्त्रालयका अनुसार अहिलेसम्म कोरोनाका कारण ३५४ जनाको ज्यान गएको छ भने ९ हजार जनामा कोरोना संक्रमणको पुष्टि भएको छ ।