कञ्चनपुरमा हात्ती आतंक : एकको मृत्यु,पाँच घाइते

कञ्चनपुर । कञ्चनपुरमा हात्तीको आक्रमण बाट एक महिलाकाे ज्यान गएकाे छ भने पाँच महिला घाइते भएका छन् । बुधबार बिहान जंगली हात्तिको बथानको आक्रमणमा परि महाकाली नगरपालिका- २ चाँदनीकी ४२ वर्षीया विष्नादेवि भट्टको मृत्यु भएको इलाका प्रहरी कार्यालय दोधाराले जनाएको छ । हात्तीको आक्रमणबाट भट्टको मुख र टाउकोमा चोट लागेको र उपचारका लागि अस्पताल लैजाने क्रममा मृत्यु भएको प्रहरीले जनाएको छ ।

घाइतेको दोधारा स्थित प्राथमिक स्वास्थ्य केन्द्रमा उपचार हुन नसकेपछि थप उपचारका लागि भारत रेफर गरिएको छ । घाइते हुनेमा चाँदनीकी २२ वर्षीया सरस्वती ओझा, २० वर्षीया कमादेवी साउद, ३२ वर्षीया गोमती भट्ट र दुई जनाको नाम नखुलेको प्रहरीले जनाएको छ । मायापुर जंगलबाट निष्किएका महिलामाथी हात्तिले आक्रमण गरेको थियाे । सांकेतिक तस्वीर :