एकाएक रोकियो अष्ट्रेलिया र बंगलादेशबीचको खेल
एजेन्सी । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेट अन्तर्गत अष्ट्रेलिया र बंगलादेशबीच अहिले जारी खेल रोकिएको छ ।
इंग्ल्याण्डको नटिङघममा जारी खेल वर्षाको कारण रोकिएको हो । वर्षाले खेल रोकिनुअघि अष्ट्रेलियाले ४९ ओभरमा ५ विकेट गुमाएर ३६८ रन बनाएको छ ।
अष्ट्रेलियाका लागि ओपनर डेभिड वार्नरले विष्फोटक ब्याटिङ गर्दै शतकीय इनिङ्स खेले । १४७ बल खेलेका वार्नरले ५ छक्का र १४ चौकाको मद्दतमा १ सय ६६ रन बनाए ।
यस्तै उस्मान ख्वाजाले ८९ रन जोड्दा ओपनर तथा कप्तान आरोन फिन्चले ५३ रनको अर्धशतकीय इनिङ्स खेले । ग्लेन म्याक्स्वेलले ३२ रन बनाए ।
बंगलादेशका सौम्या सरकार ३ तथा मुस्ताफिजुर रहमानले १ विकेट हात पारेका छन् ।