विराट कोहलीलाई प्रशंसाको ओइरो : यस्तो छ कारण
बेलायतमा जारी एक दिवसीय विश्वकप क्रिकेट अन्तर्गत आइतबार ओभल मैदानमा भएको खेलमा भारत विजयी भयो । भारतको जितमा शतकीय पारी खेलेका शिखर धवन र कप्तान विराट कोहलीको भूमिका महत्वपूर्ण रह्यो ।
भारतीय कप्तान कोहलीको यो खेलपछि राम्रो चर्चा भइरहेको छ । कारण उनले बनाएको ८२ रन या कुशल कप्तानी भन्दा पनि उनको खेल भावना रहेको छ ।
With India fans giving Steve Smith a tough time fielding in the deep, @imVkohli suggested they applaud the Australian instead.
Absolute class ? #SpiritOfCricket #ViratKohli pic.twitter.com/mmkLoedxjr
— ICC (@ICC) June 9, 2019
सामाजिक सञ्जालमा उनलाई राम्रो खेल भावनाका कारण धेरैले प्रशंसा गरिरहेका छन् । भारतीय पारीको क्रममा केही भारतीय दर्शकले फिल्डिङ्ग गरिरहेका अस्ट्रेलियाका स्टिभ स्मिथलाई गिज्याएका थिए ।
त्यसबेला कोहली क्रिजमा थिए । उनले यस्तो देखेपछि त्यहिँबाट इशारा गरेर स्टिभ स्मिथलाई ताली बजाएर सम्मान गर्न भने । प्रतियोगिता आयोजक आइसिसीले यो भिडियो ट्वीट गरेर विराट कोहलीको प्रशंसा गरेको छ । स्मिथले कोहलीलाई खेलकै क्रममा उनको खेल भावनाका लागि धन्यबाद दिएका थिए ।
When India fans started getting stuck into @stevesmith49, here's how #ViratKohli responded to them.
And here's the reaction from the Australian!
Absolute class! #SpiritOfCrickethttps://t.co/2gMOtR6lQZ
— ICC (@ICC) June 9, 2019