भारतीय लडाकु विमान काश्मिरमा खस्यो, पाइलटको मृत्यु
काठमाडौं । भारतीय वायुसेनाको लडाकु बिमान मिग २१ काश्मिरमा दुर्घटना भएको छ ।
दुर्घटनामा पाइलटको मृत्यु भएको भारतीय सञ्चारमाध्यमले जनाएका छन् । अर्का पाइलटको पनि मृत्यु भएको आशंका गरिएको छ ।
बुधबार जम्मू कश्मीरको बडगामबाट सात किलोमिटर टाढाको एउटा गाउँमा विमान दुर्घटना भएको हो ।
मिग २१ ले श्रीनगर विमानस्थलबाट उडान भरेर उडे लगत्तै केहि क्षणमै खेतमा खसेको हो । विमान खस्दा खस्दै ठूलो आवाजमा पड्किएको प्रत्यक्षदर्शीले बताएका छन् । दुर्घटनाग्रस्त विमान पूर्णरुपमा ध्व्स्त भएको छ । अहिले श्रीनगर बिमानस्थलबाट उडान र अवतरण बन्द गरिएको छ ।