बलिउडका निर्देशक राजकुमार हिरानीमाथि यौन दुर्व्यवहारको आरोप
मुम्बई । बलिउडका निर्देशक राजकुमार हिरानीमाथि यौन दुर्व्यवहारको आरोप लागेको छ ।
हिरानीलाई उनीसँगै काम गर्ने महिलाले दुर्व्यवहारको आरोप लगाएकी हुन् । पीडित महिलाले चलचित्र सञ्जुमा हिरानीसँगै काम गरेको दाबी गरेकी छिन् ।
ती महिलाले सन् २०१८ को मार्चदेखि सेप्टेम्बरसम्म दुर्व्यवहारमा परेको बताएकी छिन् । जतिबेला चलचित्र ‘सञ्जु’को काम भैरहेको थियो ।
पीडित महिलाका अनुसार ९ अप्रिल २०१८ मा हिरानीले पहिलो पटक कार्यालयमा नै उनलाई दुर्व्यवहार गरेका थिए । त्यसपछिका ५ महिना उनका लागि राम्रो भएन ।
हफपोस्ट इंडियाको रिपोर्टअनुसार ती महिलाले सञ्जुका सह निर्माता विनोद चोपडालाई पनि मेल गरेर यो विषयमा जानकारी दिइएको बताइएको छ ।
हिरानीले भने आरोप अस्वीकार गरेका छन् । उनका वकिल आनन्द देसाईले आरोपलाई झुटो, निन्दनीय, कसैसँग प्रेरित र अपमानजनक बताएका छन् ।