टिपरको ठक्करबाट चिया बेच्दै गरेका श्रीमानको मृत्यु, श्रीमती घाइते

काठमाडौं । बालाजु बाइपासमा ट्रिपरको ठक्करबाट एक जनाको मृत्यु भएको छ । शुक्रबार बिहान ६ बजेतिर मुड्खुभञ्ज्याङबाट एयरपोर्टतर्फ माटो बोकेर जाँदै गरेको ना७ख ७००५ नंको ट्रिपरले ठक्कर दिँदा ५८ वर्षीय दलबहादुर विसङ्खेको मृत्यु भएको हो ।

महानगरीय ट्राफिक प्रहरी वृत्त नयाँ बसपार्कका प्रमुख जे जङ्ग कार्कीले माटो बोकेर हिँडेको ट्रिपर भित्तामा पल्टिँदा चिया बेच्ने विसङ्खे र उनकी श्रीमतिलाई थिचेर घाइते भएकोमा त्रिभुवन विश्वविद्यालय शिक्षण अस्पताल महाराजगञ्जमा विसङ्खेको उपचारका क्रममा मृत्यु भएको जानकारी दिनुभयो ।

घाइते विसङ्खेको श्रीमतिको सोही अस्पतालमा उपचार भइरहेको छ । ठक्कर दिने ट्रिपर र चालकलाई प्रहरीले नियन्त्रणमा लिएको छ ।