गोरुसिंगे जंगलमा टिप्पर र बसको ठक्कर : ३ जनाको मृत्यु ,१४ जना गम्भिर घाइते
कपिलवस्तु। पुर्व पश्चिम राजमार्ग अन्तर्गत जिल्लाको गोरुसिंगे जंगलमा टिप्पर र बसको ठक्कर हुंदा १ जना बालकसहित ३ जनाको मृत्यु भएको छ भने दुर्घटनामा परी १४ जना गम्भिर घाइते भएका छन् ।
दुर्घटनामा परी दाङ जिल्ला गढवाका ४ वर्षीय सुसान्त सुनार, सोही स्थानकै २५ वर्षीय पुजा सुनार र नाम नखुलेका अन्दाजी ४० वर्षीय एक पुरुषको मृत्यु भएको प्रहरीले जनाएको छ ।
दांगबाट बुटवलतर्फ जाँदै गरेको ना ६ ख २५०० नम्बरको बस र विपरित दिशाबाट आएको लु २ ख १४७७ नम्बरको टिप्पर एक आपसमा ठोक्किदा दुर्घटना भएको ट्राफिक प्रहरी निरिक्षक बाबुराजा पन्तले बताए ।
घाईते सवैलाई उपचारको लागि अन्चल अस्पताल बुटवल पठाईएको प्रहरी नायव उपरीक्षक रवि रावलले बताए।टिक्करको ठक्करबाट वसको आगाडीको भाग पूर्ण रुपमा क्षति भएको छ ।