सर्वसाधारणलाई सिंहदरबार प्रवेश बन्द !

सरकारले सर्वसाधारणलाई सिंहदरबार प्रवेशमा रोक लगाएको छ ।

‘माथिको आदेश’ भन्दै सुरक्षाकर्मीले सर्वसाधारणलाई गेटबाटै फर्काइदिएका छन् । विभिन्न मन्त्रालयबाट पठाइने गेट पासको सिष्टम नै डाउन गरिएको छ । बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्तका हत्यारालाई कारबाही माग गर्दै सिंहदरबार दक्षिण गेटमा प्रदर्शन भएलगत्तै गृहले सुरक्षा खतरालाई मध्यनजर गर्दै सिंहदरबार प्रवेशमा रोक लगाएको हो ।

बलात्कारविरूद्धको रोष र निर्मलाका निम्ति न्यायका अभियन्ताले बिहीबार बिहान ११ बजे निषेधित क्षेत्र तोड्दै धर्ना दिएका हुन् । उनीहरूले गृहमन्त्री रामबहादुर थापा बादल र प्रहरी महानिरीक्षक सर्वेन्द्र खनालको राजीनामा मागेका छन् ।