ठमेलमा भीषण आगलागी, चार दर्जन सिलिण्डर पड्किए
काठमाडौँ । काठमाडौँको ठमेलभित्र ज्याथा क्षेत्रमा भीषण आगलागी भएको छ । मंगलबार बिहान ४ः३० बजेदेखि आगलागी सुरु भएको थियो ।
जमलको एल्लो प्यागोडा होटेलबाट भित्रतर्फको सानो गल्लीमा अवस्थित सुनिलजंग स्थापितको घरमा रहेको ट्राभल एजेन्सीको कार्यालयबाट आगो लागेको हुन सक्ने अनुमान प्रहरीको छ ।
आगलागीबाट कम्तिमा दुई घर जलेका छन् भने एउटा घरमा क्षति भएको छ ।
प्रहरीका अनुसार आगो लागेपछि हिमाल आरोहणका क्रममा प्रयोग गरिने अक्सिजन ग्यास सिलिन्डर विस्फोट हुँदा स्थानीयबीच भागाभाग चलेको थियो ।
भागाभागका क्रममा केही घाइतेसमेत भएका छन् । झण्डै चार दर्जन अक्सिजन ग्यास सिलिन्डर पड्किएका थिए ।
घटनाको पूर्ण विवरण आउन बाँकी छ ।