प्रचण्ड भोलि भारत आउने
नयाँ दिल्ली /हिमाल पोस्ट
नेपाल कम्युनिष्ट पार्टी (नेकपा)का अध्यक्ष एवँ पूर्वप्रधानमन्त्री पुष्पकमल दाहाल ‘प्रचण्ड’ भोलि भारत भ्रमणमा आउदै छन् ।
पत्नी सीता र छोरी गंगा दाहालका साथ प्रचण्ड बिहीबार साँझ भारत भ्रमणमा आउन लागेको प्रचण्डको नीजि सचिवालयले जनाएको छ ।
भारत भ्रमणका क्रममा प्रचण्डले भारतीय प्रधानमन्त्री नरेन्द्र मोदी, विदेशमन्त्री सुष्मा स्वराज, कम्युनिस्ट पार्टीका शीर्ष नेताहरू तथा विभिन्न उच्च अधिकारीहरूसँग भेट गर्ने बताइएको छ ।
उक्त भेटमा प्रचण्डले नेपालका राजनीतिक घटनाक्रमका साथै राष्ट्रिय र विकासका विषयमा छलफल गर्ने बताइएको छ । भारत भ्रमण सकेर प्रचण्ड २६ भदौमा स्वदेश फर्कने कार्यक्रम रहेको छ ।