त्रिभुवन अन्तर्राष्ट्रिय विमानस्थलबाटअवैध रुपमा ल्याएको सुनको बाला सहित महतो पक्राउ

काठमाडौं । धनुषा जनकपुर नगरपालिका-२३ घर भएका शैलेन्द्र कुमार महतोलाई भन्सार छली अवैध रुपमा ल्याएको १ सय ग्रामको सुनको बाला २ थान सहित बुधबार प्रहरीले पक्राउ गरेको छ ।

त्रिभुवन अन्तर्राष्ट्रिय विमानस्थलको आगमन पार्किङ एरियामा विदेशबाट आगमन भएका यात्रुहरुलाई भन्सार छली गर्न लगाई अवैध रुपमा संकलन गरि लैजान लागेको अवस्थामा महतोलाई प्रहरीले फेला पारी पक्राउ गरेको हो ।

महतोलाई थप आवश्यक अनुसन्धान एवं कारवाहीको लागि प्रहरीले त्रिभुवन विमानस्थल भन्सार कार्यालय,गौचर पठाएको छ ।