एक लाख ४२ हजार रुपैयाँको भन्सार छलि गरेर ल्याउदै गरेका हार्यवेयर तथा कपडाहरु बरामद

धनगढी :सशस्त्र प्रहरी बल, नेपाल ३४ नम्बर गण धनगढी तत्कालिन सीमा सुरक्षा कार्यालयको टोलीले भन्सार छलि गरेर ल्याउदै गरेका हार्यवेयर तथा कपडाहरु बरामद गरेको छ ।

धनगढी उपमहानगरपालिका २ पुन्टेघाट शान्तिटोल र वडानम्बर ८ मनेहरा क्षेत्रबाट भन्सार छलेर ल्याउदै गरेका उक्त समानहरु नियन्त्रणमा लिइएको ३४ नम्बर गणका निमित्त प्रमुख शसस्त्र प्रहरी नायब उपरीक्षक (डिएसपी) विष्णु प्रसाद भट्टले जानकारी दिए ।

उनले नियन्त्रणमा लिएका समानहरुमा रेडिमेड कपडा, तामाका भाडाकुडा, ट्रयाक्टरमा प्रयोग गरिने विभिन्न हार्डवेयरका समानहरु लगायतको रहेको बताए । नियन्त्रणमा लिएका समानहरु करिब एक लाख ४२ हजार रुपैया मुल्य बराबरको रहेको बताउँदै बरामद गरिएका समानहरु जिल्ला भन्सार कार्यालय कैलालीलाई बुझाएको जानकारी दिए । यसअघि पनि विभिन्न स्थानबाट पक्राउ गरेका समानहरु भन्सार कार्यालयलाई बुझाएको थियो ।