लियो खस्यौली युथद्बारा अनाथ आश्रममा सहयोग

बिशाल पाण्डेय ।

लियो जिल्ला परिषद् ३२५ बि २ नेपालको एरिया -४ अन्तरगत पर्ने लियो क्लब अफ बुटवल खस्यौली युथले मणिग्राममा रहेको एक अनाथ आश्रममा दैनिक प्रयोग गरिने सामान तथा खाद्यान्नहरु सहयोग गरेको छ ।

लामो समय देखी बुटवल तथा आसपासका क्षेत्रमा सामाजिक कार्यहरु गर्दै आइरहेको लियो क्लब अफ खस्यौली युथले तिलोत्तमा नगरपालिकाको मणिग्राम चोक देखि १ किलोमीटर पश्चिम् तर्फ रहेको आत्म शान्ती अनाथ आश्रममा शनिबार खाद्यान्न सहयोग गरेको हो ।

लियो क्लब अफ खस्यौली युथका बर्ष २०१८/०१९ का अध्यक्ष लियो दीपेन्द्र भट्टराईको अध्यक्षतामा सम्पन्न भएको कार्यक्रममा क्लबका संस्थापक अध्यक्ष लियो रमेश अर्याल प्रमुख अथिती रहेका थिए ।

लियो खस्यौली युथका प्रथम उपाध्यक्ष लियो राजिव जंग कुवरको स्वागत मन्तव्य सङ्गै सुरु भएको कार्यक्रममा लियो जिल्ला परिषद्  ३२५ बि २ नेपालका रिजन -१० का कोर्डिनेटर अर्जुन सिंह चौधरी , क्षेत्री विद्यार्थी समाजका अध्यक्ष असिम थापा क्षेत्री , आश्रमकि संचालिका मैना देवि भण्डारी तथा लियो जिल्ला परिषद्  ३२५ बि २ को एरिया -४ का एरिया कोर्डिनेटर सुदिप बेलवासे ले शुभकामना मन्तव्य राखेका थिए ।

कार्यक्रमको संचालन लियो क्लब अफ खस्यौली युथका सचीव लियो होमनाथ सापकोटाले गरेका थिए ।

अनाथ आश्रममा केक काटेर जन्मदिन मनाए

लियो क्लब अफ खस्यौली युथका प्रथम उपाध्यक्ष लियो राजिब जंग कुवरले आज अनाथ आश्रममा केक काटी आफ्नो जन्म दिन मनाएका छ्न ।

लामो समय देखी क्लबमा आबद्ध रहेका कुवरले अनाथ बालबालिकाहरु लाई केक काटेर खुवाउदै अफ्नो जन्म उत्सव मनाएका हुन ।

पछिल्लो समयमा मानिसहरुले आफ्नो जन्मदिनमा भोज भतेर तथा फजुल खर्च गर्ने गरेको भएतापनि कुवरले आफ्नो जन्मदिनमा थोरै भएपनि दिनदुखी संग खुशी साटनाका लागी अनाथ आश्रममा गइ केक काटेर मनाएको हिमाल पोस्ट लाई बताए ।