आईजीपी खनाल भारतमा
भारतको नयाँ दिल्लीमा हुने ‘थर्ड कोअर्डिनेसन मिटिङ’ मा सहभागी हुन नेपाली प्रतिनिधिमण्डलको नेतृत्व गर्दै सशस्त्र प्रहरी महानिरीक्षक शैलेन्द्र खनाल मंगलबार त्यसतर्फ प्रस्थान गरेका छन् । महानिरीक्षक खनाललाई त्रिभुवन अन्तर्राष्ट्रिय विमानस्थलमा सशस्त्र प्रहरी अतिरिक्त महानिरीक्षक नारायणबाबु थापाले शुभकामनासहित विदाई गरे ।
सशस्त्र प्रहरी महानिरीक्षक खनालका साथ त्यसतर्फ गएको नेपाली प्रतिनिधि मण्डलमा सशस्त्र प्रहरी बल नेपालबाट सशस्त्र प्रहरी अतिरिक्त महानिरीक्षक पुष्पराम केसी तथा सशस्त्र प्रहरी नायव महानिरीक्षक कविन्द्रमान श्रेष्ठ र सशस्त्र प्रहरी नायव उपरीक्षक कमलप्रसाद तिउसिना छन् ।
यसैगरी सो प्रतिनिधिमण्डलमा नेपाल प्रहरीका प्रहरी नायव महानिरीक्षक सुशीलकुमार भण्डारी, राष्ट्रिय अनुसन्धान विभागका अनुसन्धान निर्देशक टेकेन्द्र कार्की, गृहमन्त्रालयका उपसचिव एकदेव अधिकारी र परराष्ट्र मन्त्रालयका शाखा अधिकृत डा. इला मैनाली रहेका छन् ।
सशस्त्र प्रहरी महानिरीक्षक तथा भारतको सशस्त्र सीमा बलका महानिर्देशकबीच हुने सो ‘कोअर्डिनेशन मिटिङ’ २२ देखि २५ साउनसम्म हुने छ ।