बार्सिलोनाले प्रस्ताव स्वीकार नगर्ने विलियनको खुलासा

स्पेनिस च्याम्पियन बार्सिलोनाले अनुबन्धनका लागि प्रस्ताव गरेको तर आफूले चेल्सीमै बस्ने इच्छा व्यक्त गरेको विलियनले बताएका छन् । ब्राजिलियन वेङ्गर गएको पाँच वर्षदेखि चेल्सीमा छन् ।

तर यो सिजन २९ वर्षे विलियन अरु क्लब जाने तयारीमा रहेको खबर आएका थिए । कम्युनिटी सिल्डमा म्यानचेस्टर सिटीसँग २–० ले पराजित भएपछि इएसपिएन ब्राजिलसँग बोल्दै विलियनले भने, ‘मैले जहिले पनि स्पष्ट पारेको छु कि चेल्सीमै रहन चाहन्छु । मेरा लागि औपचारिक रुपमा प्रस्ताव पेश गरेको मलाई जानकारी भएसम्मको एक मात्र क्लब बार्सिलोना हो ।’

तर विलियनलाई म्यानचेस्टर युनाइटेड र रियल मिड्रडले पनि भित्र्याउन चासो दिएको खबर आउने गरेका छन् । विलियनले भने आफू चेल्सीमै रहेर धेरै हाँसिल गर्न उत्सुक रहेको बताए ।