यसकारण मेस्सीसँग खेल्न आतुर छन भिडाल

जर्मन क्लब बार्यन म्युनिखबाट स्पेनिस क्लब बार्सिलोना आएका अटुरो भिडालले सुपर स्टार लियोनल मेस्सीसँग खेल्न पाउने भएर उत्साहित रहेको बताएका छन् ।

चिलीका मिडफिल्डर भिडालले बार्सिलोनासँग तीन वर्षको सम्झौता गरेका हुन् । उनलाई सोमबार बार्सिलोनाले औपचारिक रुपमा प्रस्तुत गर्नेछ । ३१ वर्षका भिडाललाई बार्सिलोनाले २० मिलियन युरोमा भित्र्याएको खबर छ ।

उनलाई इटालियन सिरी ए क्लब इन्टर मिलानले पनि भित्र्याउन खोजेको थियो ।

भिडालले बार्सिलोनाको खेलाडीका रुपमा पहिलो पटक बोल्दै भने, ‘साँचो अर्थमा म यहाँ खुशी छु । बार्सिलोको जर्सी लगाएर खेल्न उत्सुक छु । मेस्सीसहित लुइस स्वारेज, सर्जिओ बस्क्वेट… सहितका खेलाडीसँग खेल्न उत्सुक छु ।’

आफूले नयाँ क्लबमा नयाँ चुनौतीसहित धेरै जित्न चाहेको पनि बताएका छन् ।