कैलालीमा गाडीको ठक्करबाट एकजनाको घटनास्थलमै मृत्यु
लीला जङ्ग शाही / कैलाली ।
पूर्व पश्चिम राजमार्ग अन्तर्गत कैलालीको लम्किचुहा नगरपालिका ८ गोप्चा मा गाडीको ठक्करबाट १ जनाको घटना स्थलमै मृत्यु भएको छ ।
नेपालगन्ज देखी धनगढी जाँदै गरेको भे १ ज ६३५ नम्बरको (भ्यान )विङ्गर ले ठक्कर दिँदा अन्दाजी ६५ वर्षीय साइकल यात्रीको घटना स्थलमै मृत्यु भएको प्रहरीले जनाएको छ ।
साइकल यात्रीले बाटो काट्ने क्रममा भ्यानको ठक्करबाट मृत्यु भएको र भ्यान बिजुलीको पोलमा ठोक्किँदा भ्यानमा सवार ७ यात्रु घाइते भएको प्रहरीले जनाएको छ । घटना बारे थप अनुसन्धान भई रहेको र मृतको अहिलेसम्म परिचय नखुलेको प्रहरीले बताएको छ ।