लुका मोड्रिचले रियल मड्रिड छोड्ने तयारी !
काठमाडौं – लुका मोड्रिच इन्टर मिलान जाने सम्भावना रहेको बताइएको छ ।
बर्नाबेउमा ६ वर्ष बिताएका यी मिडफील्डरले क्लब छोड्न चाहेको बताइएको छ ।
स्काई इटालियाले दिएको समाचारअनुसार, इन्टरले मोड्रिचका एजेन्टहरूसँग सम्पर्क राखेको छ । अनि मोड्रिच विश्वकपपछि प्रिसीजन ट्रेनिङमा फर्केका पनि छैनन् ।
विश्वकपमा मोड्रिच सर्वोत्कृष्ट खेलाडी बनेक थिए र उनी विश्व फूटबलका शीर्ष मिडफील्डर हुन् ।
तर भर्खरै क्रिस्टियानो रोनाल्डोलाई बेचेको रियलले मोड्रिचलाई गुमाउन चाहेको देखिँदैन । मोड्रिच भने जाने नै मूडमा देखिन्छन् ।
इन्टरले आगामी सीजनमा युभेन्टससँगको दूरी घटाउने सोच बनाएकाले राम्रो खेलाडी भित्र्याउन खोजेको हो ।
मोड्रिचका अन्तर्राष्ट्रिय सहकर्मी सिमे भ्रसाल्कोलाई इन्टरले एत्लेटिको मड्रिडबाट लोनमा भित्र्याएको छ ।
अनि क्रोएसियाकै अन्य खेलाडीहरू मार्सेलो ब्रोजोभिच र इभान पेरिसिच पनि इन्टरमा छन् ।
आफ्नै देशका खेलाडीहरूसँग खेल्न मोड्रिच आतुर रहेको विश्वास गरिएको छ ।एजेन्सी