मेस्सी र कुकुरबिचको फुटबल, यसरी भयो भाइरल
स्टार स्ट्राइकर लियोनल मेस्सी अहिले विश्वकप फुटबलको खराब अनुभव भुलेर अघि बढ्ने क्रममा छन् । मेस्सीको टिम अर्जेन्टिना रुसमा भएको विश्वकप फुटबलमा अन्तिम १६ बाटै घर फर्कियो ।
त्यसपछि बिदा मनाउने क्रममा रहेका मेस्सीले परिवारसँग समय बिताए । उनी अब नयाँ सिजनका लागि बार्सिलोना फर्किने तयारीमा छन् । तर त्यो भन्दाअघि उनको फुटबल मोहको एउटा किस्सा सामाजिक सञ्जालमा भाइरल भएको छ ।
मेस्सीको परिवारमा श्रीमती र छोराहरु त पक्कै छन् । अनि छ उनको प्रिय कुकुर हुल्क । मेस्सीले आफ्नो गार्डेनमा हुल्कसँग फुटबल खेल्दै गरेको भिडियो उनकी श्रीमतीले पोस्ट गरेकीछन् ।
भिडियोमा शरीरको माथिल्लो भागमा लुगा नलाएका मेस्सी र हुल्कले फुटबल खेलिरहेका छन् ।