छुट्टि सकेर आइपुगे रोनाल्डो !
हालै इटालियन क्लब युभेन्ट्समा आवद्ध भएका पोर्चुगिज स्टार क्रिष्टियानो रोनाल्डोले सोमबारदेखि प्रशिक्षणमा सहभागी हुने भएका छन्।
रूस विश्वकपपछि छुट्टि मनाईरहेका रोनाल्डो आइतबार प्राइभेट विमानबाट परिवारसहित इटालीको टुरिन आइपुगेका हुन्।
युरोपियन क्लब फुटबलको नयाँ सिजन सुरुअघि युभेन्टर अहिले अमेरिका भ्रमणमा छ। तर, रोनाल्डोले टुरिनमै रहेर प्रशिक्षणमा गर्ने अन्तर्राष्ट्रिय सञ्चार माध्यमहरूले बताएका छन्।
अमेरिका भ्रमणमा रहेको युभेन्ट्सले इन्टरनेसनल च्याम्पियन्स कपमा अगष्ट ४ तारिकमा रोनाल्डोको पूर्वक्लब रियल मड्रिडसँग खेल्दैछ। यद्यपी उक्त खेलमा रोनाल्डो खेल्ने सम्भावना न्यून रहेको छ।
स्पेनिस क्लब रियलबाट १०० मिलियन पाउण्डमा युभेन्टस आएका रोनाल्डोले अगष्ट १९ मा सिरी ए फुटबलमा डेब्यू गर्न सक्ने सम्भावना छ।
