जन्मदिनको अवसरमा वृक्षारोपण 

हिमाल पोस्ट / बौनिया ,कैलाली ।
कैलालीको बर्दगोरिया गाउपालिका -२ बौनियामा अवस्थित कोसेली एफ एमका स्टेशनम्यानेजर लिलाजंग शाहीले जुम्ल्याहा छोराहरू गणेश विक्रम शाही र गोबिन्दजंग शाही (राम/लक्ष्मण)को १६ औँ जन्मदिनको अवसरमा आइतवार वृक्षारोपण गरेका छ्न ।

पिपरकोटीको चरैला नदीले कटान गरेको क्षेत्रमा बाँस, अमला, लिची, कागती अम्बा,असोक, सगुन लगायतका १ सय ५० बिरुवा रोपेको स्टेशनम्यानेजर शाहीले जानकारी दिए । छोराको जन्मदिन असार १५ गते भए पनि इलाका वन कार्यालय चौमालाबाट ढिलो गरी बिरुवा उपलब्ध हुँदा आज रोपिएको शाहीले बताए ।

पत्रकार समेत रहेका शाहीले वातावरणीय सन्तुलन कायम राख्न केहीमात्र भए पनि सहयोग पुगोस् भन्ने हेतुले प्रत्येक वर्ष वृक्षारोपण गर्दै आएको र छोराको आगामी जन्मदिनमा पनि वृक्षारोपण गर्ने कार्य जारी राख्ने हिमाल पोस्टलाई बताए ।