आफ्नै छोरी बलात्कारको आरोपमा बाबु प्रहरी खोरमा

पप्पु गुरुङ्ग / दोधारा ।

कञ्चनपुरको दोधारा चाँदनीमा १३ वर्षीया आफ्नै छोरीलाई बलात्कार गरेको आरोपमा एक जना पक्राउ परेका छन ।

ईलाका प्रहरी कार्यालय दोधारा चाँदनीको टोलीले दोधारा चाँदनी वडा नं. १०, चदारो टोलबाट आफ्नै छोरीलाई बलात्कार गरेको आरोपमा बाबुलाई  पक्राउ गरेका हुन ।

बाबुले छोरीलाई विगत देखि नै पटक–पटक बलात्कार गर्दै आएको पीडितले बताएकि छन् । आफ्नी आमा भारतको मुम्बईमा बेपत्ता भएको र करिब २ महिना देखि बाबु  र उनका दुई छोरी दोधारामा बस्दै आएका थिए । बाबुले पटक पटक बलात्कार गर्दै आएको भएपनि पीडित बालिकाले बाबुको डर तथा लाजले आफन्त, छिमेकी तथा प्रहरीलाई खबर गर्न नसकेको बताईएका छन् ।

बाबुको ज्यादती बढ्दै गएपछि आफन्तहरु संग आफुलाईं  बलात्कार गर्दै आएको कुरा बताए पछि आज अबेर साँझ प्रहरीले आरोपित बाबुलाई  नियन्त्रणमा लिएर अनुसन्धान थालेको हो । प्रारम्भिक सोधपुछ अनुसार यस अघि भारतमा हुदा पनि आरोपीले छोरीलाई बलात्कार गरेका थिए । प्रहरीले अनुसन्धान थालेको जनाएको छ ।फाइल  तस्वीर :