नेइमारको बारेमा म्याराडोनाले यसो भने

मस्को (एजेन्सी)– विश्वकपमा अर्जेन्टिनाका लियोन मेस्सी र पोर्चुगलका क्रिस्टियानो रोनाल्डाको चर्चा विस्तारै सेलाउदै जाँदा ब्राजिलका नेयमारको चर्चा भने यथावत छ । अझै कतिपय विषयमा भने उनी चर्चाको शिखरमा छन् । पछिल्लो पटक आइबार मेक्सिकोसँगको खेलपछि भने उनी थप चर्चामा छन् ।

अन्तिम १६ को त्यो खेलमा नेयमार लयमा देखिएको पनि मानिएको छ । पछिल्ला चार खेलमा उनी त्यसमा बढी प्रभावकारी मानिएको छ । एक गोल गरेका नेयमारले अर्को गोलका लागि पनि भूमिका निर्वाह गरेका थिए । सोही खेलमा उनीले विपक्षी खेलाडी फाउलमा बढी अभियन गरेको भन्दै आलोचना पनि भइरहेको छ ।

र्जेन्टिनाका महान खेलाडी डिएगो म्यारोडोनाले नेयमारमाथि भएको फाउलको आलोचना गरेका थिए । ब्राजिलले २–० ले त्यो खेल जित्दा त्यसको केन्द्रमा भने नेयमार रहेका थिए । पिएसजीका स्टारलाई मेक्सिकन खेलाडीले लगातार फाउल गरिरहेका थिए । कतिपय ट्याकलमा उनको प्रक्रिया स्वभाविक लाग्ने थिए भने कतिपयमा अभिनय लाग्ने गरेको टिप्पणी हुने गरेको छ ।

म्यारोडेनाले नेयमारका विषयमा भनेका छन्, ‘उनले हामीलाई कि त रुवाउछन् की त हसाउँछन् । मेक्सिन खेलाडीले उनलाई जति बेला रोक्थ्ये म रुन चाहन्थे । तर उनी जति बेला बल लिएर अघि बढ्ने मलाई हास्न मन लाग्थ्यो ।’

म्यारोडोनाले विश्व कपमा ब्राजिलले गरिरहेका प्रदर्शनले टोलीलाई विजेताका रुपमा देखाएको बताएका छन् । उनले भने,’म यो विश्वकपको मजा लिइरहेको छु । मलाई लाग्छ ब्राजिल निकै बलियो छ र उनीहरु उपाधिको यात्रामा छन् ।’