हिन्दू राष्ट्रका लागि संघर्षको कार्यक्रम अघि बढाउने

विहीबार चितवनको भरतपुरमा पत्रकारसँगको कुराकानीमा राप्रपा अध्यक्ष कमल थापाले पार्टी एकता गरी हिन्दू राष्ट्रका लागि संघर्षको कार्यक्रम अघि बढाउने बताएका छन् ।

उनले भने,‘अब हिन्दू राष्ट्र स्थापना गरेरै छाड्ने हो त्यसका लागि विभाजित शक्तिको एकीकरणको तयारी भइसकेको छ ।’

एकीकरण भएको राप्रपा अब विभाजित नहुने दाबी गरेका उनले विगतमा पार्टी जोगाउन नसक्नु आफ्नो गल्ती भएको पनि स्वीकारे ।