पूर्वराजाले भने: यसबारे अहिले केही बोल्दिनँ

पूर्वराजा ज्ञानेन्द्र शाहले आफू राजनीतिक गर्न नहिँडेको बताएका छन् । रौतहटको मत्सरीस्थित दुर्गा भगवती मन्दिरमा पूजा गर्न आएका पूर्वराजाले पत्रकारसँग संक्षिप्त कुरा गर्दै यस्तो बताएका हुन् ।

पत्रकारले सोधको प्रश्नको जवाफ दिँदै पूर्वराजाले भने, ‘जनताको सहानुभूति छ तर मेरो उद्देश्य राजनीति गर्ने हैन ।’ यो व्यवस्थाप्रति तपाईंको धारणा के छ भन्ने पत्रकारको प्रश्नको जवाफ दिँदै पूर्वराजा ज्ञानेन्द्रले भने, ‘म यसबारे केही बोल्दिनँ ।’

यसैबीच उनलाई रौतहटको दुर्गा भगवती गाउँपालिकास्थित दुर्गा मन्दिरमा स्थानीयले भव्य स्वागत गरेका थिए । ‘राजा आऊ देश बचाऊ,’ हाम्रो राजा हाम्रो देश प्राणभन्दा प्यारो छ’ भन्दै नारा जुलुससमेत गरेका थिए ।

पूर्वराजा ज्ञानेन्द्रले सो मन्दिरमा करिब आधा घण्टा पूजा अर्चना गरेका थिए । पूर्वराजालाई हेर्न मत्सरीमा हजारौंको उत्साहजनक सहभागिता रहेको थियो । यसैबीच पूर्वराजा ज्ञानेन्द्रलाइ मत्सरीवासीले अभिन्नदनसमेत गरेका छन् ।

यो कार्यक्रम स्थानीयको स्वतः स्फुर्त रूपमा कुनैपनि राजनीतिक दल नभनी आयोजना गरेको दुर्गा मन्दिर व्यवस्थापन समितिका अध्यक्ष बिनय झाले बताए ।