खगेन्द्र संग्रौलाको टिप्पणी: ‘ओलीको राष्ट्रवाद मोदीको चरणमा लम्पसार’
काठमाडौं । भारतीय प्रधानमन्त्री नरेन्द्र मोदीको राजकीय भनिएको धार्मिक भ्रमण भैरहेको २ दिने भ्रमणको बिषयमा सामाजिक संजाल तातेका छन् । संजालमा मोदी र ओली बिरुद्द ट्रेन्ड नै चलाईएको छ ।
खासगरी भारतीय सेनाले गरेको गस्ती र २०७२ सालमा भारतले लगाएको अमानविय नाकाबन्दीको खुलेर बिरोध भैरहेको छ ।
यसैक्रममा सामाजिक संजालमा सक्रिय रहने र सधै चर्चामा रहने खगेन्द्र संग्रौलाले मोदी भ्रमण र प्रधानमन्त्री ओलीको लम्पसार प्रति खरो टिप्पणी गरेका छन् ।
अतिथि माेदीकाे सवारीमा एक बगाल भारतीय हतियारधारी सुरक्षाकर्मी!याे माेदीकाे नेपाली सुरक्षाकर्मीप्रतिकाे अविश्वास हाे कि उपेक्षा?कि याे ठूल्दाइकाे दादािगरीकाे नग्न प्रदर्शन हाे?अरे,मिस्टर अाेलीकाे राष्ट्रवाद माेदीका चरणमा लम्पसार परेकै हाे?अाेली राष्ट्रवादका पवनपुत्रहरू बाेल!
— Khagendra Sangroula (@belakoboli) May 11, 2018
‘अतिथि मोदीको सवारीमा एक बगाल भारतीय हतियारधारी सुरक्षाकर्मी ! कि यो ठूल्दाईको दादागिरीको नग्न प्रदर्शन हो ? ‘अरे मिस्टर ओलीको राष्ट्रवाद मोदीको चरणमा लम्पसार परेकै हो ? ओली राष्ट्रवादका पवनपुत्रहरु बोल ।’
मोदीको सुरक्षामा भारतीय सेनाको ठूलो समुह नै नेपाल आएको भन्दै नेपालमा चौतर्फी विरोध भइरहेको छ ।