सलाह पीएफए प्लेयर अफ दि इयर घोषित

एजेन्सी । इंग्लिश क्लब लिभरपुलका फरवार्ड मोहमद सलाहले ‘पीएफए प्लेयर अफ दि इयर’ अवार्ड जितेका छन् । सन् २०१७ – १८ को सिजन प्रिमियर लिग फुटबलको उत्कृष्ट खेलाडी बन्दै सलाहले ’पीएफए प्लेयर अफ दि इयर’ अवार्ड जितेका हुन् ।

प्रोफेसनल फुटबलर एसोसिएसन (पीएफए) ले प्रदान गर्ने यो अवार्ड जित्ने क्रममा सलाहले मनोनयनमा परेका अन्य पाँच प्रतिस्पर्धीलाई पछि बनाए । सलाहले म्यानचेस्टर सिटीका मिडफिल्डर डेभिड सिल्भा, केभिन डि बु्रने, विंगर लोरी साने, टोटनहृयामका हृयारी केन र म्यानचेष्टर युनाइटेड गोलकिपर डेभिड डि गियालाई पछि पारेका थिए ।

सलाहले यो सिजन लिगको ३१ खेलमा ३३ गोल गरिसकेका छन् । सलाह यो सिजन प्रिमियर लिगमा गोल्डेन बुटको होडमा समेत रहेका छन् । इजिप्टका सलाह रोमाबाट यसै सिजन लिभरपुल आएका थिए ।

प्रोफेसनल फुटबलर एसोसिएसन (पीएफए) ले प्रदान गर्ने बर्षको युवा खेलाडीको अवार्ड सिटीका २२ बर्षीय लोरी सानेले जितेका छन् । महिलातर्फको ‘पीएफए प्लेयर अफ दि इयर’ अवार्ड चेल्सीका फ्रान किर्वीले जितिन् ।