दाङमा पाँच दलिय गठबन्धनले पनि एमालेलाई हराउन सकेन
दाङको घोराही उपमहानगरपालिकामा नेकपा एमाले विजयी भएको छ । सत्ता गठबन्धनलाई परािजत गर्दै मेयर र उपमेयर दुवैमा एमालेले जित हात पारेको हो । मेयरमा एमालेका नरुलाल चौधरी दोस्रो कार्यकालका लागि विजयी भएका छन् ।
चौधरी ३१७२८ मतका साथ विजयी हुँदा गठबन्धनबाट माओवादी केन्द्रका उम्मेदवार हेमराज शर्माले २६३६८ मतपाएका छन् ।
यस्तै उपमेयरमा एमालेकी हुमा कुमारी डिसी ३०४०३ मतका साथ विजयी हुँदा उनका निकटतम प्रतिस्पर्धी गठबन्धनबाट कांग्रेस उम्मेदवार भुपबहादुर डाँगीले ३०३५४ मत पाएका छन् ।
डाँगी २०७४ मा मेयरमा पराजित भएका थिए । यो पटक उनी ४९ मतले पराजित भएका हुन् ।