मन्त्रिमण्डल विस्तार हुँदै: सात मन्त्रीले आजै सपथ खाने

काठमाडौं- प्रधानमन्त्री केपी शर्मा ओलीले मन्त्रिमन्डल विस्तारको तयारी गरेका छन् । आज बिहिबार साँझ नै थपिएका मन्त्रीहरूलाई सपथ खुवाउने कार्यक्रम छ ।

सर्वोच्च अदालतमा संसदविघटनको मुद्दा सुनुवाईको क्रममै रहेका बेला प्रधानमन्त्री ओलीले मन्त्रिमण्डल विस्तार गर्ने तयारी गरेका हुन् ।

शुक्रबार जनता समाजवादी पार्टी (जसपा)का महन्थ ठाकुर–राजेन्द्र महतो पक्षका १० जनालाई मन्त्री बनाएका थिए। रिक्त रहेका सात मन्त्रालय उनले आफैसंग राखेका छन् । यिनै खाली रहेका मन्त्रालयमा आज मन्त्री नियुक्तिको तयारी भएको बालुवाटार स्रोतले बताएको छ ।

स्रोतका अनुसार बिहिबार साँझ नै मन्त्रीहरुको शपथ गराउने तयारी छ। ‘अन्य केहि बिषय नथपिएको खण्डमा आज नै मन्त्रीहरूको सपथ हुन्छ’ स्रोतले भन्यो ।