महतो उपप्रधानमन्त्री, भण्डारी ऊर्जा र झा खानेपानी मन्त्री

काठमाडौं- लामो समयको छलफल र वार्तापछि अन्तत: जनता समाजवादी पार्टी (जसपा)को महन्थ ठाकुर समूह सरकारमा सामेल हुने भएको छ । सहमति अनुसार नेता राजेन्द्र महतोले सरकारमा जसपाको नेतृत्व गर्नेछन ।

महतो उपप्रधानमन्त्रीसहित शहरी विकास मन्त्रीबन्ने सहमति भएको स्रोतले जनाएको छ । यस्तै उनीसहित जसपाका १० नेता सरकारमा जाँदैछन् । ८ जना मन्त्री बन्ने र २ जना राज्यमन्त्री बन्ने सहमति बहेको बताइएको छ ।

यसबाहेक शरतसिंह भण्डारी ऊर्जा, जलस्रोत तथा सिँचाई र अनिल झा खानेपानी मन्त्री बन्ने भएका छन्।

उनीहरूले साँझ ६ बजे शपथ लिने तय भएको बताइएको छ।