भारतमा तत्काल कोरोनाको खोप लगाउन सुरू गरिने मोदीको घोषणा

एजेन्सी- भारतका प्रधानमन्त्री नरेन्द्र मोदीले केही भारतमा तत्काल कोरोनाविरुद्धको खोप लगाउन सुरू गरिने घोषणा गरेका छन् ।

शुक्रबार नयाँ दिल्लीमा आयोजना भएको विपक्षी दलहरुसँगको बैठकका क्रममा मोदीले केही हप्ताभित्रै कोरोनाको खोप तयार भइसक्ने जनाएका हुन् ।

प्रधानमन्त्री मोदीले भनेका छन्, ‘हामीलाई भारतीय वैज्ञानिकहरुले भनेका छन्, हामीले आगामी केही हप्तामा नै यहाँ कोभिडविरुद्धको खोपको शुरुआत गर्दैछौँ ।’

प्रधानमन्त्री मोदीले यसका लागि भारतीय वैज्ञानिकले निकै मेहनत गरेको पनि सो अवसरमा विपक्षी नेताहरुलाई जानकारी गराएका छन् ।

भारतीय वैज्ञानिकहरुले सबैभन्दा पहिला यो खोप कसलाई दिने भनेर सरकारले गृहकार्य गरेको पनि प्रधानमन्त्री मोदीले बताए ।

यो खोप सबैभन्दा पहिला स्वास्थ्यकर्मीहरु, कोभिडको उपचारमा खटेका जनशक्ति, बृद्धबृद्धाहरु र यसका विरामीलाई लगाइने गरी तयारी गरिएको जानकारी पनि मोदीले जानकारी दिए ।