चुनाव हारेका ट्रम्पले भने: ठुलो अन्तरले जितेको छु
काठमाडौं- अमेरिकी राष्ट्रपतिको चुनाव हारेका डोनाल्ड ट्रम्पले आफूले ठूलो अन्तरले यो चुनाव जितेको दाबी गरेका छन् ।
तर, निर्वाचन नतिजाले भने जो बाइडेनलाई अमेरिकाको ४६औँ राष्ट्रपति जिताएको छ । यसको आधिकारिक घोषणा हुन बाँकी छ ।
ट्रम्पले आजमात्रै फिलाडेल्फियामा ठूलो पत्रकार सम्मेलन गर्ने बताएका छन् ।
उनले सुरुमा आफूले निर्वाचन जितेको बताएका थिए । तर, पछि यस्तो दाबी गरिएको ट्विट उनले डिलिट गरेका छन् ।
ट्विटमा त उनले आफूले ठूलो अन्तरले निर्वाचन जितेको बताएका छन् ।
अर्कोतिर पेन्सिल्भेनियामा मत आफ्नो पोल्टामा पारेसँगै डेमोक्रेटिक पार्टीका जो बाइडेन अब अमेरिकी राष्ट्रपतिमा निर्वाचित भएका छन् ।