आउन थाल्यो अमेरिकी निर्वाचनको मत परिणाम, बाइडेनले लिए अग्रता
एजेन्सी– शक्तिशाली देश अमेरिकाको राष्ट्रपति चुनावले विश्व नै तातेको छ । अमेरिकी राष्ट्रपति निर्वाचनको मतदान सकिएसँगै मत परिणाम पनि आउन थालेको अन्तर्राष्ट्रिय संचार माध्यमले जनाएका छन् ।
अल जजिरा लगायतका संचार माध्यमहरूका अनुसार जो बाइडेन अगाडी देखिएका छन् ।
अहिलेसम्म २७० इलेक्ट्रोरल मतमध्ये डेमोक्रेटिक उम्मेदवार जो बाइडेनले १६ र रिपब्लिकनका डोनाल्ड ट्रम्पले १३ मत प्राप्त गरेका छन्।
ट्रम्पले वेस्ट भर्जिनिया र केन्टुकीमा जित हासिल गरेका छन् भने बाइडेनले भर्मोन्ट र भर्जिनियामा जित हासिल गरेका छन्।
फ्लोरिडामा भने दुवै पक्षबीच कडा प्रतिस्पर्धा हुने बताइएको छ।